Македонија со победата над Чиле е 15-та ракометна сила во светот

Македонија ги заврши настапите на СП во Германија и во Данска, со денешната победа против селекцијата на Чиле. На крајот, нашата репрезентација заврши на 15-тото место и го повтори пласманот од минатиот Мундијал во Франција.

Се чинеше дека нашата репрезентација е доволно поквалитетна од својот противник и дека релативно рано ќе ја обезбеди победата, со што би се оставил простор за настап на помладите во нашиот состав. Наместо тоа, средбата излезе тврда, со многу резултатски пресврти, и само со голем напор во завршницата го совладавме противникот со резултат 32:30 (16:16).