Македонија со победа над Јапонија го започна СП во Германија

Македонија триумфално го почна СП во Германија и во Данска, откако во првата средба убедливо славеше против незгодната Јапонија. Македонија победи со резултат 38:29 (18:13), што е наш највисок триумф во првите натпревари на светските првенства, и на своето конто ги запиша првите два бода.

За најдобар играч на средбата е прогласен македонскиот пикер Стојанче Стоилов.

Следниот натпревар на ова светско првенство ќе го одиграме в недела, а наш следен противник ќе биде селекцијата на Бахреин.