Прв пораз на младинците на ова Светско првенство

Македонската машка ракометна репрезентација до 21 година го забележа првиот пораз на Светското првенство во Алжир.Тунис ја победи Македонија со 32 спрема 27, а додека пак на полувреме заминаа со 17 спрема 13 за Тунис.Екипата на противникот си ја заслужи победата затоа што играа борбено и максимално сконцентрирано во нападот и одбраната.

Овој пораз во голема мера го загрози пласманот на нашата селекција во следната фаза, особено што Русија денеска го изненади и го совлада Бразил. Нашиот пласман сега зависи од преостанатите наши средби со Шпанија и со Бразил, но исто така и од исходот од средбите на останатите претенденти, Русија, Тунис и Бразил. Засега сигурна во следната фаза е Шпанија, а сигурно не минува Буркина Фасо. Останатите четири селекции се со реални шанси за пласман. За нас една од најважните средби е дуелот од следното коло меѓу Тунис и Русија. Победата на Тунис би ја оставила Русија со 4 бода (два има и два ќе освои против Буркина Фасо), а тоа веднаш ќе значи промоција на Македонија како учесник во следната фаза. Ако, пак, Русија го совлада Тунис, или одигра нерешено, тогаш на Македонија ќе и треба барем еден бод од средбите со Шпанија и со Бразил.

Нареден натпревар за Младинците е по еден ден пауза во недела против екипата на Бразилк, со директен пренос на РакометМк.